Mio caro comm.
POMPONIO
semo, finalmente,
dopo Pasqua!
Me sento ancora el
rebegoto nei piè, quando ricordo il roseo foglio di febbraio
1982, la danzante
cronaca de Mirko
Trevisanelo sui bataclan 1935 de la nostra Treviso, che in fato de
marche e de marchette, la ze e la sarà sempre, come me
suggerisce la signora Tecla, la Marca Gioiosa et Amorosa.
Co la
presente,carissimo Pomponio, el sarà contento che lo invito a
la festa del NOVO CAGNAN che, anca se semo vanti coi ani, la sarà
fata a nostro onor.Pecà soltanto che noi possa sonar
l’orchestra del Maestro Massimo Fermi, presentando in edission
2017 el famoso TANGO DE LA ROSINA, col motivo cantà dal tenor
Ponzanese Armando Gambarotto, co la mossa de corpo de mi e RODO che
figura come ‘finestra’ de la presente che la xe,par chi
no lo savesse,la copertina del Tango de la Rosina del vecio musicista
del Cagnan: DADE.
La festa la sarà
fatta dai tosi dell’Osteria Toniolo, dalle parti de Frà
Giocondo, dove, se no ricordo mal, ghe iera un famoso casin.
L’ultima festa
del Cagnan a gavevimo fata a Monastier, nel salone della Villa
Tiranti, col buffet de
Loris Casellato, el
gran pasticier co le so celestiali tose del bar :
Ornella,Raffaella,Lidia,Loredana,Arianna,dirète da quella
brava parona che gaveva sempre in man dolsi e sorrisi , la signora
Adele.
No so se a un certo
punto de la festa ghe sarà come na volta, l’estrasion de
le bale,beninteso de la tombola, che da l’ambo a la cinquina,
mandarà tuti a casa co qualcosa in man.
Pertanto, diletto
Pomponio, ghe telefonerò par dirghe a quando,mentre la
consiglio de far sempre moto,menando el can a passeggiar.
Bon passeggio e
tanti saludi da la so
ROSINA TIRANTI in
SGORLON
Nessun commento:
Posta un commento